أحمد أبوالعلا يكتب كلمتين وبس

24

أحمد أبوالعلا…..
يكتب… كلمتين و بس

أخر المشاركات

كنت صغير

دليلك لحياة ناجحة

طبيبة الغلابه

كده غلط يا چو …. كله إلا الأنبياء، و الكلام ده يعمل فتنة و ضعاف النفوس و إللى بيصطادوا فى المية العكرة كتير ، الموضوع ده خط أحمر و ممكن يقلب بسواد غامق و يجرنا للمكان إلى دايما بنطلب نبعد عنه لأنه مكان ملعون و كله خطورة و عواقبه لا يعلمها الا الله، و الناس كلها إلا من رحم ربي سواء هنا أو هنا طبعا رافضين كده ، و تقريبا انتا لسة صغير يا چو متعرفش مين هما المصريين المسيحيين قبل المسلمين و أزاي عايشين مع بعض على المرة و الحلوة و ياما عدى عليهم كتير …. فبالله عليك يا چو متحطش تراب على وش طبق الرز باللبن ، و هيا مش نقصاك تعكر صفو الجو إللى بنتنفسه كلنا و أبعد عن الشر و غنيله، و ده كله فضلا و ليس أمراً و أخاف أن الموضوع يعكس و تبدأ بفعل أمر و تكون أنتا المفعول به فى الجملة … نهدى شوية و نضبط نفسنا لأننا هنفضل أخوات فى البيت الكبير …. مصر .