الكراهية تعمل كثير

452

خاطرة حرة

راقت لي ..  أحمد يونس النجار 

أخر المشاركات

” الزواج لا يخضع للتجربة “

” بالصداقة بينكم ينجح زواجكم “

الإدخار أفضل وسيلة للإستثمار

لما إسماعيل ياسين حط الزبالة فى حلة مية قذرة وشالها ورايح يرميها .. والشاويش عطية شافه شايل الحلة وماشى فاتهمه إنه سارق الشوربة . 
اسماعيل ياسين حلف له إنها مية غير نظيفة  لكن الشاويش عطية مصدقش وجاب العسكري مجانص وطلب منه إنه يدوق ويشوف هى شوربة ولا مية قذرة فالعسكرى مجانص عشان كان بيكره العسكرى إسماعيل شرب وقال عليها شوربة ..!!
إسماعيل استغرب وحلف إنها مية قذرة فالشاويش عطية قال لمجانص اشرب تانى عشان إسماعيل مش مصدق .. فمجانص شرب تانى وقال دى شوربة ..
و بعدها الشاويش عطية حب يتأكد وشرب بنفسه وعرف إنها مية قذرة ..!!

مجانص شرب مرتين مية قذرة  وكان مستعد يشرب المية كلها علشان الكره والظلم والحقد اللى جواه مخليه عنده استعداد يعمل أى حاجة .
يشهد زور .. يحكى حكاية من خياله .. يشوه صورة حد قدام الناس .. ياخد الحكاية ويضيف عليها من عنده ..
وفى الأخر الحقيقة بتتعرف .
كل المجانص اللى فى حياتنا مش هاينوبهم الا إنهم هيشربوا مية قذرة.