الله يرحم زمان وأيام زمان

43

بقلم /سعد ابراهيم
زمان كان ميفش كهربا كان الواحد ينام بدري ويصحي بدري دلوقتي سهرللصبح
زمان كان الأكل ليه طعم اللي يتحط قدامك تأكلوا دلوقتي كل يوم طبيخ ومالو ش طعم
زمان كنت تنام على الفرن كأنك واخد منوم واحلى نوم دلوقتي سراير ومراوح وتكييف ومش عارف تنام
زمان كنت تشرب ميه من الزير أو القله كأنك بتشرب من زمزم دلوقتي ميه من التلاجه ملهاش طعم وبتجيب المرض
زمان تشرب من الترعه وتعمل احلى شاي دلوقتي تشرب ميه من الحنفيه كلها كلور وَمليانه شوائب وامراض
زمان كنا بنعمل الفول المدمس على لمبة الجاز وتاكلوا كأنك بتاكل لحمه دلوقتي تاكل الفول تحس بمرار في طعمه
زمان كنا بنطبخ على القوانين بالجله والعفش وكان الطبيخ ليه احلى طعم دلوقتي بتوجاز وافران كهربا والطبخ مالوش طعم
زمان كان اللي يمرض كان يشرب مية كشك ويصحي دلوقتي علاج ودكاتره ومستشفيات ومش نافع
زمان كنا مشغولين بالمصالح والعمل دلوقتي مشغولين بالتليفون والنت
زمان كنا نلعب لحد المغرب ونروح ننام دلوقتي لحدالصبح قهاوي ونت
زمان كنا نروح الغيط ماشيين والصحه بومب دلوقت نروح بالمتوسيكل وتعبانين

زمان كنا بنشتغل في الغيط يدوي ساقيه وطمبور ومحرات ونورج دراس وكان المحصول بنبني منوا البيوت ونجوز منوا أولادنا دلوقتي مكن ميه وجررات ودراسات وحصدات وشغل مميكن وتيجي تجمع المحصول تلاقي نفسك دافع من جيبك وخسران
زمان كنا بنذاكر على لمبة الجاز واتخرج دكاتره ومهندسين وعلماء دلوقتي بنذاكر في الكهربا وكومبيوتر ولاب ودروس وفاشلين
الله يرحم زمان وأيام زمان