بقلم /ماجدة البهيدي

هرسم بيت على شط البحر

هرسم وردة وهرسم صخر

وهرسم ناس بس بوش

ناس بتصون مش بتغش

هرسم قلب كبير مليان

على آخره حب على حنان

هرسم طفل بيجرى ويلعب

وراء عصفورة بتاكل الحب

هرسم ام شايلة واليدها

هرسم لعبه ماسكة بايدها

هرسم فجر لسه بيطلع

مليان خير لكل الناس

هرسم قلب صغير أخضر كله حب على إخلاص

هرسم شجرة وهرسم وردة

هرسم بيت وهرسم قطة

هرسم نفسي قاعدة بفكر

بفنجان شاي وحتة سكر

قاعدة بفكر في اللي هجرني اصل البعد ده هو محيرني

وبدعي واقول ربي يصبرني

وفجأة القي حبيبي شايلني

ويقول والله ما شئ يبعدني

دانا جمبك يا حبيبتي تعالي

وبكره هتبقي ام عيالي

وخدني حبيبي

لدنيا جديدة فيها راح هرسم دنيا سعيدة كلها حب وهنا وسرور

وهنرسم مع بعض حياتنا انا وحبيبي ما شيء يبعدنا اصل الحب الصادق يضوي ذي الشمس وذى النور

بس يا رب يحقق حلمي اصل ده كله كان في خيالي عمال بيدور

2020 /2/7 :