بنت الأصول .. بقلم محمد القاضي

21

بنت الأصول .. بقلم محمد القاضي
بنت الأصول تكمَلك وتساعدك وتسعدَك وتنفع بيت وسكن وأمان، ولو مال بك الحال تسندك بدون ملل ولا معايرة، وتصبر معاك وجنبك.

تحِب التراب اللي بتمشى عليه وتبر أهلَك وتصونهم، وتعرف ان قيمتهُم من قيمتَك، وكرامتهُم من كرامتَك.

بنت الأصـول وانت بره البيت تبقى راجل وانت جوه البيت تبقى أجمل سِت، لك لوحدَك.

عارفة حدودها وخارجة من بيت رجالة، ومن تحت سقف بيت تكوينه عظيم، وتربية أب عاقل، وحنين وحكيم و كريم.

أخر المشاركات

بلغ سلامي للنبي محمد

سألت قاضي الغرام

هاتلاقيها شبعانة من كل شئ وما بتبصش لغيرها أيا كان اللى في ايدُه؛ لأنها عفيفة ومتعففة وعينها مليانة، بنت الأصـول تهَون عليك الصعب وعمرك ما تهون عليها ..

تفرح بيك و معاك بكل رزق ونجاح وتحفظ سرك، وتدعم انجازك وتشاركك فيه، وتدفعك له، وهى مبسوطة و مقتنعة ..

القليل منك كتير في عينها، والكتير من غيرك مالوش لازمة عندها ، وكلمتك الحلوة عندها تسوى الدنيا باللي فيها ..

بنات الأصول لما بيدخلوا البيوت بيضحوا بكل شئ وأى شئ، وبيتحملوا أى صعب عشان البيت والراجل اللى حبها واختارها دوناً عن بنات العالم ..

( بنات الأصول في الزمن ده أغلى من الذهب و الياقوت)