حوار مع الشاعرة منار نور الدين

23

حوار مع الشاعرة منار نور الدين

س/ فى البداية عرفينا بنفسك
الاسم والعمر والعنوان؟

ج/ اسمي منار نور الدين
19 سنه
من أسوان ف السد العالي

س/ايه مؤهلك من التعليم؟
ج/ بدرس في كلية تربية

س/ ايه هى انجازاتك?
ج/ ممكن اكتب أكثر من قصيدة في وقت قصير جدا اوقات بكتب 4او 5قصايد فاليوم واوقات بكتب اكتر من كدا اشتركت ف قصر ثقافة أسوان وانتشرت قصايد ليا في مجلة جنوب الصعيد والشاعر حسني الاتلاتي نشر أكثر من قصيدة لي علي موقعه الخاص

س/ ماهى موهبتك
ج/ كتابة شعر والقائه

س/ هل واجهتى صعوبات؟
ج/ الحمدلله مفيش مشاكل واجهتني ولكن مكنتش بعرف ابقي كويس ف كنت بخاف اني القي خصوصا قدام حد اعرفه ولكن مع تشجيع اصحابي ليا بقيت القي قدام اي حد اوجهه شكر خالص ليهم

س/ هل شاركتى فى مسابقات او احتفالات او شئ من هذا القبيل؟
ج/ ايوة اشتركت ف قصر الثقافة العقاد بأسوان وحصلت على المركز الأول وحصلت ع جائزة قيمة وتم نشر قصائد ليا في مجلة جنوب الصعيد والشاعر حسني الاتلاتى نشر لي اكثر من قصيدة ع موقعة الخاص .
واشتركت في حفله في كلية تربية واتكرمت ايضا

س/ هل حصلتى على تكريمات؟
ج/ طبعا

س/ماهى التكريمات؟
ج/شهادات تقدير ومجلة

س/كيف اكتشفتى موهبتك؟
ج/اكتشفت موهبتي كنت ديما من صغري بكتب مقاطع صغيره وبلاقيها حلوه بس مكنتش بعرف أكملها ف كنت بقرأ كتير كذا قصيدة لغاية ما اتعلمت اكتب قصائد كاملة

س/هل عملتى على تطويرها وكيف تم تطويرها؟
ج/طبعا قرأت كتير وطرق مختلفة وسمعت كذا حد بيكتب ويقول اشعار علشان انمي موهبتي لاني حبيتها وبقيت اكتب حاجات مختلفه ديما وكل مرة بكتب فيها قصيدة كانت بتبقي مبهرة عن التانية

س/لمن توجهين الشكر؟
ج/اهلي واصحابي علشان دعموني وشجعوني كتير وطبعا استاذ حسني وأسرة اشراقة امل كان ليها دور اني اتعرف اكتر ف كل الشكر للناس دي

س/ايه الرسالة اللى حابة توجهيها لاصحاب المواهب؟
ج/اعملوا علي تنمية موهبتكم وحافظوا عليها واستغلوها صح وديما حافظوا على أنكم تطوروا من نفسك وكل الدعم ليهم طبعا