خراب البيوت

20

 

بقلم /سعد ابراهيم

نشاهد حالياً في ظل الظروف الصعبه وغلاء الأسعار وقلة موارد الرزق لأهل الأرياف الأصراف في تجهيز العرائس وشراء مستلزمات لا تستخدم طوال العمر وتبقى في الكراتين فوق الدواليب وتحت الأسرره وهذا الموضوع جبل علي كاهل اغلب البيوت في الأرياف عمتأ موضوع زواج البنت والولد

اولأ الشاب عند التقدم للعروسه وعند الأتفاق بيجد شروط مكحفه مثل الشبكه اقل حاجه 50 الف جنيه وهناك بيوت في الأرياف اهم حاجه عندهم الشبكه تصل في بعض الأحيان 150 الف جنيه ليتباهي بها وابو العروسه يشترط عايز حجرة نوم وصالون وصفره وحجرة اطفال ونيش وطبعأ شقه متشطبه ويبقي فرحان ان العريس وافق على طلباته مايعرفش ان العريس هايداين من طوب الأرض وهايمضي شيكات وياريت الحاجات اللي اتشرط عليها هايستفاد منها ابو العروسه هاتروح بيت مش بيتوا مايعرفش ان بعد الشروط دي هاينقلب السحر على الساحر

ويدخل هوه كمان في دوامة الديون بسبب شروطه المكحفه وبعد كدا يقول انا اللي جيبتوا لنفسي

أخر المشاركات

المريخ

اول حاجه بسبب مغلاته في الشبكه اللي تعب فيها العريس بعد الزواج العريس عايز يسدد ديونه اول حاجه بيفكر فيها بيع الدهب وان رفضدت العروسه وصلنا إلى الطلاق المبكر

تاني حاجه النيش اللي عمل فيها ابو عرام وقال لازم النيش بيشتري اقل حاجه طلبات للنيش ب20 الف جنيه جابوا لنفسوا وحاجه مش في بيته تالت حاجه حجرة الأطفال اللي اتشرط عليها لا زم يفرشها بطاطين ومفارش ولوازم الحجره كمان فوق دماغه ياقليل العقل يمكن مايخلفوش انت لا تعلم الغيب

وبسب انوا اتشرط على العريس وشيلوا حمل زياده عن طاقته العريس هايقفلوا على الواحده لازم تجيب شاشتين ولازم تلاجه وديب فليزر ولازم غساله اتوماتك وغسالة اطفال ومطبخ المونتال ثمنه اقل حاجه 30 الف جنيه وبعد داكلوا تيجي الست هانم مراتوا عايزه تجيب احسن من بنت فلان علشان تلف بيهم البلد بعشر عربيات اولهم السجاد واطقم المطبخ حاجات غريبه فخاز والمونيوم وصيني وسيراميك تقولش هاتطبخ في داكلوا حاجات كتير انا معرفهاش المهم المعلم رجلوا بتيجي ويمضي على شيكات ويستلف من الناس ويلف بحاجات بنتوا في البلد وعامل فيها ان احسن الناس وبعد مايفرح يومين يدخل على السداد وعتلان الهم ويفضل مديون سنين وممكن يدخل السجن بسبب الشيكات اللي مش قادر يسددها وبنتوا بعد داكلوا ممكن تطلق ويبقى يابو زيد ماغزيت وضاعت فلوسك ياصابر

ليه ما يبقاش فيه رحمه في الأتفاق رأفتا بأهل العريس والعروسه وليه الفشخره الزياده عن اللزوم اللي يقدر عليه العريس يجيبوا واللي يقدر عليه اهل العروسه يجيبوه بدل الديون وخراب البيوت

اقلهن مهورا أكثرهم بركه