سألوني

44

كلمات الشاعر محمد عبد العزيز رمضان
سألوني الناس وقالولي
عن نور العين
قلتلهم راحت وبعتني
وبقالي سنين
بسأل وبدور وبفتش
والقلب حزين
وبنادي ياناس دلوني
أعرفها منين
الكل بيرفض يتكلم
وانا ويلي ولين
قررت أسافر وأهاجر
يمكن أرتاح
وابعد عن كل اللي بعوني
بكفايه جراح
وحاولت أنساها وأشطبها
يمكن ينزاح
فلقيت البعد اللي اخترته
خلاني حزين
وانقلب الحال اكتر واكتر
وبقيت مسكين
والناس بتقول هو اتجنن
وبقاله سنين
بيدور علي وهم وكدبه
وكأنه يقين
ويا ريته يفوق يرجع تاني
عاقل ورزين
سلم بسهوله كمان قلبه
ووقع بكمين