ع شط البحر د.سوسن محمد

15
ع شط البحر

د.سوسن محمد

أخر المشاركات

غربة الدين

الطبيعة الأم ودورة الحياة

فوبيا العائلات

ع شط البحر مرت بصارة وبإيدها كمشة حجارة

قالت بشفلك بختك الميمون بيّضي الفال وهاتي سيكارة

قلتلها حظي شو بدو يكون …وعمري صرفتو بهالدني خسارة

وعايشة حياتي كلها مديونة وبجيبتي مافي

ولا بارة

حتى صديقة عمري صارت تخون وعاملة معي شي ألف دوبارة

ومنشان انسى الواقع الملعون

كل يوم عم بسهر وحيدة ياخسارة

قالت عقلي شوي يامجنونة ولاتكون روحك روح ختيارة

طلعي بهالدنيي بأصفى عيون وإياكي فيها نتثري غبارة

مافي ببيتي لا شوكة ولاصحون وحيطان بيتي شبه منهارة

وعندي إرادة عيش مابتهون وما بيأس من ظروف قهارة

ومنشان اطفالي البريئة صون بقضي نهاري برم ودوارة

وبعود لاولادي متل الحسون مفكر جناحو

جناح طيارة

قلت يابصارتي ممنونة

شفت فيكي

روح جبارة

ع الظلم أشهرتي سيف مسنون تاصرت شوفك متل غيفارا

ماعدت من وضعي أنا محزونة

ولاعاد روحي روح محتارة

ومادام بيقولو الجنون فنون …قررت متلك كون بصارة

واسكن أنا وأنتي بفرد حارة.

الدكتورة السفيرة

سوسن محمد