لا للمال السياسي لا لشراء الأصوات

12
لا للمال السياسي لا لشراء الأصوات

كتبت سوزان شعيب.

هنتكلم بالعاميه ، كلام لله والله من وراء القصد ، شراء الأصوات حضرتك وإنت بتبيع صوتك بثمن بخس بتكون بتدعم مرشح حديث الولاده للفساد والغش ، وبعد النجاح رقم واحد بالنسبه له هو تعويض المال الذى إفتقده من أجل الحصول على هذا المنصب .

حضرتك ممكن تقول ياسيدى هيا خربانه خربانه ناخد 200جنيه أحسن منه إحنا كدا كدا مش بنشوف خدمات من أى مرشح مسك ، هرد على حضرتك إنت عملت زى ال بيقول أنا كدا كدا داخل النار هغضب ربنا وأعمل ال نفسى فيه مع العلم ممكن يكون فيه باب لدخولك الجنه .

أخر المشاركات

ياحبيب قلبى ربنا جعل الحرام بين والحلال بين ، ولو بعت صوتك تعتبر خيانة أمانه ، وحرام شرعا لأنك بتهب شخص منصب لايستحقه وليس أهل له ، وممكن حضرة المرشح صاحب المال السياسى داخل المجلس من أجل تعزيز مصالح غير مشروعه .

حضرتك متقولش البلد واقعه واقعه والكلام الخايب ده إنت ليك دور تنزل تنتخب بشرف أو متنزلش خالص ، فلتقل خيرا أو تصمت ، من أجل نزاهة الإنتخابات ، حضرتك لك حساب مع ربنا حاول وإنت واقف أمام ربنا تقول يارب أنا عملت ال عليا فقط والمطلوب منى ، لكن حساب العباد على ربنا .

وحاول متنساقش تجاه أى شخص حرجا يدخل لك من ناحية القرابه أو غيره وهو فاسد أو جاهل بس معاه فلوس ، الأمانه ليست مجامله الأمانه تعطها لصاحبها الذى يستحقها هيا مش بالحب أو المجامله هيا بالثقافه والإحترام والأمانه والإخلاص فى التعامل .

اللهم ولى علينا وعليكم من يصلح لهذا العمل .